Ինչպե՞ս կրճատել HoReCa պարագաների ծախսերը՝ առանց որակի կորստի. 5 փորձված եղանակ

Ռեստորանային, հյուրանոցային և սննդի բիզնեսում շահույթը հաճախ թաքնված է այն մանրուքների մեջ, որոնք առաջին հայացքից անտեսանելի են։ 

Երբեմն թվում է, թե մեկանգամյա օգտագործման սպասքի, անձեռոցիկների կամ մաքրող միջոցների վրա արվող ծախսերն աննշան են ընդհանուր շրջանառության ֆոնին, սակայն ամսական և տարեկան կտրվածքով դրանք ձևավորում են բավականին տպավորիչ բյուջե։ 

Ինչպե՞ս օպտիմալացնել այդ ծախսերը, երբ շուկայում գնաճն անկանխատեսելի է, իսկ հաճախորդի սպասելիքներն օրեցօր աճում են։

Շատ բիզնեսներ փորձում են խնայել՝ պարզապես գնելով ամենաէժան և անորակ արտադրանքը, բայց սա վտանգավոր և հաճախ կորստաբեր ճանապարհ է։ Անորակ փաթեթավորումը կարող է փչացնել ուտեստի տեսքը առաքման ճանապարհին, իսկ թույլ մաքրող միջոցները՝ կրկնապատկել աշխատակիցների ջանքերը և չապահովել բավարար արդյունք։ 

Իրական լուծումը ոչ թե էժանագին տարբերակներ ընտրելն է, այլ գնումների և սպառման պրոցեսները ճիշտ կազմակերպելը։ 

Այս բլոգում մենք կքննարկենք 5 գործնական և փորձված եղանակ, որոնք կօգնեն կրճատել ձեր HoReCa բիզնեսի ծախսերը՝ պահպանելով ծառայությունների բարձր որակն ու բրենդի հեղինակությունը։

Մեծածախ գնումները՝ որպես ռազմավարական առավելություն

Շատ փոքր և միջին բիզնեսներ նախընտրում են գնումներ կատարել փոքր խմբաքանակներով՝ զգուշանալով պահեստում մեծ քանակությամբ ապրանք պահելուց կամ պարզապես պահեստավորման համար տարածք չունենալուց։ Սակայն HoReCa ոլորտում այս մոտեցումը հաճախ բերում է անցանկալի լրացուցիչ ծախսերի։ Մեծածախ գնումները հուսալի մատակարարից թույլ են տալիս ոչ միայն ստանալ զգալիորեն ցածր ինքնարժեք մեկ միավոր ապրանքի համար, այլև ապահովագրվել բիզնեսը շուկայական խնդիրներից և հանկարծակի գնաճից։ 

Պատկերացրեք, թե որքան ժամանակ, միջոցներ և մարդկային ռեսուրս է ծախսվում շաբաթական մի քանի անգամ սպառվող ապրանքների գնումներ կատարելու կամ տարբեր մատակարարների հետ բանակցելու վրա։ Մեծ խմբաքանակով պատվիրելիս դուք ստանում եք հստակ վերահսկողություն բյուջեի նկատմամբ։ Դուք գիտեք ձեր պաշարները մեկ կամ երկու ամսվա կտրվածքով, ինչը թույլ է տալիս կենտրոնանալ բիզնեսի զարգացման, այլ ոչ թե ընթացիկ մանր հարցերի վրա։

Բացի այդ՝ մեծածախ մատակարարը սովորաբար ապահովում է անվճար և կանոնավոր առաքում, ինչը ևս զգալիորեն կրճատում է ձեր ծախսերը։ Սա նվազեցնում է նաև «ֆորսմաժորային» իրավիճակների ռիսկը, երբ պիկ ժամին հանկարծ վերջանում են մեկանգամյա թղթե բաժակները կամ ձեռնոցները, և աշխատակիցը ստիպված է լինում վազել մոտակա սուպերմարկետ ու գնել դրանք մանրածախ՝ երբեմն կրկնակի թանկ գնով։ 

Մեծածախ գնումը ոչ թե պարզապես մեծ քանակություն է, այլ համակարգված մոտեցում, որը խնայում է ոչ միայն գումար, այլև ձեր ամենաթանկ ռեսուրսը՝ ժամանակը։

Ճիշտ փաթեթավորում՝ յուրաքանչյուր ուտեստի համար

Վատնումների մեծ մասը տեղի է ունենում սխալ ընտրված տարաների և փաթեթավորման պարագաների պատճառով։ Հաճախ ռեստորանները օգտագործում են մեկ կամ երկու տեսակի «ունիվերսալ» տուփեր բոլոր տեսակի ուտեստների համար՝ մտածելով, որ դա խնայողություն է։ Իրականում սա սխալ է և՛ ֆինանսական, և՛ մարքեթինգային տեսանկյունից։ Օրինակ, եթե տաք և գոլորշի արտազատող ուտեստը դնում եք սովորական, չօդափոխվող պլաստիկ տարայի մեջ, այն վայրկյանների ընթացքում կորցնում է իր կառուցվածքն ու համային որակները։ Հաճախորդը ստանում է տեսքը, համն ու հոտը կորցրած ուտեստ, ինչը բացասաբար է անդրադառնում ձեր բրենդի վրա։

Առավել արդյունավետ ընտրություն կատարելու համար դիտարկեք հետևյալ կետերը՝

• Տարայի/փաթեթի համապատասխանություն․ Օգտագործեք հատուկ անցքերով օդափոխվող տարաներ տապակած ուտեստների, տաք սոուսների  և ապուրների համար, որպեսզի դրանք չփափկեն և պահպանեն իրենց սկզբնական համը, հուտը և տեսքը։

• Չափերի ճիշտ ընտրություն․ Մի դրեք փոքր չափաբաժնով աղցանը կամ սոուսը մեծ տուփի մեջ։ Դա ոչ միայն ավելորդ ծախս է, այլև տեսողականորեն ստեղծում է «դատարկության» տպավորություն, ինչը հիասթափեցնում է սպառողին։

• Նյութի ջերմամեկուսացում․ Ճիշտ ընտրված որակյալ ստվարաթուղթը կամ բնական հումքից պատրաստված էկո-փաթեթավորումը շատ ավելի լավ է պահպանում ջերմությունը, քան էժան պլաստիկը։ Սա նշանակում է, որ ձեր ուտեստը տեղ կհասնի այնպես, ինչպես նոր պատրաստված ժամանակ։

Մաքրող միջոցների ու պարագաների արդյունավետ ընտրություն

Մաքրող նյութերի և տնտեսական պարագաների ծախսը HoReCa ոլորտում հաճախ դուրս է մնում խիստ վերահսկողությունից, քանի որ դրանք համարվում են «երկրորդական» կամ օժանդակ ռեսուրս։ 

Ամենատարածված սխալը այնպիսի քիմիական նյութերի օգտագործումն է, որոնք նախատեսված են տնային պայմանների, այլ ոչ թե ռեստորանային կամ հյուրանոցային ծանրաբեռնվածության համար։ Կենցաղային միջոցները պարզապես չունեն այն բաղադրությունը, որն անհրաժեշտ է պրոֆեսիոնալ խոհանոցում ճարպերի կամ հյուրանոցային լոգարաններում կրային նստվածքների դեմ պայքարելու համար։

Պրոֆեսիոնալ մաքրող միջոցները սովորաբար վաճառվում են խտանյութերի (կոնցենտրատների) տեսքով։ Սա առաջին հայացքից կարող է թվալ թանկարժեք գնում, բայց իրականում այն ամենաարդյունավետ և տեսանելի խնայողությունն է։ Մեկ լիտր պրոֆեսիոնալ նյութը կարող է փոխարինել տասնյակ շշերով սովորական մաքրող միջոցներին։ Սա նշանակում է, որ դուք չեք վճարում ջրի և ավելորդ պլաստիկ տարաների համար, որոնք կազմում են կենցաղային քիմիայի գնի մեծ մասը։ Բացի այդ՝ պրոֆեսիոնալ քիմիան գործում է ավելի արագ, ինչը կրճատում է աշխատակիցների ծախսած ժամանակն ու ջանքը։

Այսօր պրոֆեսիոնալ մատակարարները, ինչպիսին է Complex Supply-ը, առաջարկում են նաև հստակ տարբերակված լուծումներ տարբեր տարածքների համար։ Որպեսզի աշխատակիցները չշփոթեն նյութերը, կիրառվում է գունային կոդավորման համակարգ՝

• Կարմիր տարաներ` սանհանգույցների և խորը ախտահանման համար

• Կապույտ կամ կանաչ տարաներ` ընդհանուր մակերեսների, ապակիների կամ հատակի համար

• Դեղին տարաներ` խոհանոցային հատուկ հատվածների համար

Այս տեսողական տարբերակումը նվազեցնում է սխալվելու հավանականությունը մինչև զրոյի՝ ապահովագրելով թանկարժեք մակերեսները սխալ նյութով վնասելուց։ Բիզնեսի համար նաև կենսական է նաև ներդնել դոզավորման հստակ համակարգեր։ Երբ աշխատակիցը «աչքաչափով» է օգտագործում հեղուկը, վատնումն անխուսափելի է։ Հատուկ դիսպենսերների կամ չափիչ գդալների կիրառումը կարող է կրճատել քիմիայի ամսական ծախսը մինչև 30-40%՝ ապահովելով մաքրության կայուն ստանդարտ։

Ապրանքների գույքագրում և սպառման մշտադիտարկում

Հնարավոր չէ արդյունավետ կառավարել այն ռեսուրսը, որը չի չափվում և չի գույքագրվում։ Ծախսերի կրճատման չորրորդ և թերևս ամենակարևոր եղանակը պարբերական և խիստ գույքագրումն է։ 

Շատ հաճախ տնտեսական ապրանքների պահեստը դառնում է բիզնեսի «սև խոռոչը», որտեղ ապրանքները մտնում են և անհետանում առանց հստակ հաշվառման։ Լուծումը սպառման հստակ նորմաներ սահմանելն է։ Օրինակ՝ դուրս գրեք, թե քանի՞ թղթե սրբիչ է օգտագործվում յուրաքանչյուր 100 այցելուի հաշվով կամ որքան հեղուկ օճառ է ծախսվում շաբաթական կտրվածքով։

Երբ ունեք հստակ վիճակագրություն, կարող եք անմիջապես նկատել ցանկացած անոմալիա։ Եթե սպառումը հանկարծակի աճել է առանց հաճախորդների թվի աճի, նշանակում է՝ առկա է սխալ օգտագործում, անփութություն կամ վատնում։ 

Մշտադիտարկումը նաև օգնում է հասկանալ ապրանքների իրական արժեքը։ Օրինակ՝ կարող եք համեմատել երկու տեսակի անձեռոցիկ։ Հնարավոր է պարզվի, որ ավելի թանկ, բազմաշերտ և որակյալ անձեռոցիկից հաճախորդն օգտագործում է ընդամենը մեկ հատ, մինչդեռ էժան ու բարակ տարբերակից ստիպված է լինում վերցնել միանգամից երեքը։ Այս դեպքում «թանկ» թվացող ապրանքն իրականում ավելի ձեռնտու է բիզնեսի համար։ Վերլուծեք գնումները ոչ թե ըստ պիտակի գնի, այլ ըստ դրանց օգտագործման իրական էֆեկտիվության։

Աշխատակիցների իրազեկում և կորպորատիվ պատասխանատվություն

Նույնիսկ ամենաժամանակակից և որակյալ պարագաները կարող են դառնալ անօգուտ ծախս, եթե աշխատող անձնակազմը չգիտի դրանց հետ աշխատելու ճիշտ կանոնները։ 

Խնայողությունը սկսվում է թիմի գիտակցությունից և ճիշտ սովորություններից։ Անցկացրեք կարճ, բայց բովանդակալից թրեյնինգներ մատուցողների, խոհարարների և մաքրության պատասխանատուների համար։ Բացատրեք նրանց, թե ինչու է կարևոր ճիշտ ընտրել փաթեթավորման տեսակը կամ ինչպես է աշխատում քիմիական այս կամ այն խտանյութը։

Ահա մի քանի գործնական քայլ․

• Տեսողական հուշումներ․ Փակցրեք փոքրիկ, պարզ հուշումներ պահեստում կամ աշխատանքային գոտիներում (օրինակ՝ «1 կափարիչի չափով նյութը բավարար է կատարյալ մաքրության համար»։

• Պատասխանատուների նշանակում․ Յուրաքանչյուր հերթափոխում նշանակեք մեկին, ով հետևողական կլինի ռեսուրսների խնայողությանը։

• Գործիքների ճիշտ կիրառում․ Համոզվեք, որ յուրաքանչյուր աշխատակից հստակ գիտի, թե որ քիմիական նյութը որ մակերեսի համար է նախատեսված։ Սա կկանխի թանկարժեք կահույքի կամ սարքավորումների վնասումը սխալ նյութերի պատճառով։ 

Երբ աշխատակիցը հասկանում է, որ յուրաքանչյուր սխալ օգտագործված տարա կամ մաքրման հեղուկ ուղղակիորեն ազդում է բիզնեսի եկամտաբերության և կայունության վրա, նրա վերաբերմունքը դառնում է ավելի հոգատար։ Պրոֆեսիոնալիզմը սկսվում է ներսից. ձեր թիմը պետք է դառնա ձեր ամենահուսալի դաշնակիցը ծախսերի օպտիմալացման հարցում։

Որակը՝ երկարաժամկետ խնայողության գրավական

HoReCa ոլորտում ծախսերի կրճատումը երբեք չպետք է լինի ինքնանպատակ կամ արվի հաճախորդի հարմարավետության հաշվին։ Վերջնական նպատակը միշտ պետք է մնա գոհ այցելուն, որակյալ սպասարկումը և կայուն զարգացող բիզնեսը։

Իրական խնայողությունը ոչ թե ամենաէժան ապրանքը փնտրելն է, այլ ռազմավարական գործընկեր ընտրելը, մեծածախ գնումների առավելություններից գրագետ օգտվելը և ներքին սպառման մշակույթը բարելավելը։

Complex Supply-ն պարզապես մատակարար չէ, այլ ձեր բիզնեսի հուսալի գործընկերը։ Մենք առաջարկում ենք համալիր լուծումներ, որոնք համատեղում են մատչելիությունը, բարձր որակը և ժամանակակից միտումները։ Հիշեք, որ ճիշտ ընտրված յուրաքանչյուր պարագա՝ լինի դա սուրճի բաժակ, թե հատակի մաքրող հեղուկ, ներդրում է ձեր բրենդի հեղինակության և հաճախորդների վստահության մեջ։ 

Սկսեք կիրառել այս 5 քայլերն այսօր, և շատ շուտով կնկատեք դրական փոփոխություններ ոչ միայն ձեր ֆինանսական հաշվետվություններում, այլև աշխատանքի ընդհանուր արդյունավետության մեջ։