Ինչպե՞ս ընտրել ճիշտ տարաներ տաք սննդի առաքման համար

Ձեր ռեստորանի կամ սննդի կետի մենյուն համեղ է և բազմազան, ունեք պրոֆեսիոնալ սպասարկում, արագ առաքում, բայց կա մի «բայց»։ Հաճախորդներից հաճախ ստանում եք բողոքներ, որ առաքվող սնունդը տեղ է հասնում սառած, տեսքը կորցրած, ավելի վատ դեպքերում՝ նույնիսկ թափված վիճակում։ Ծանո՞թ պատկեր է։

Խնդիրը հիմնականում տարաների մեջ է։ Սխալ տարայով առաքման դեպքում սնունդը ոչ միայն սառչում է, այլև կորցնում համը, հոտը և էսթետիկ տեսքը։

Այս նյութում կարող եք բացահայտել՝ ինչպես ընտրել ճիշտ տարաներ տաք սննդի տարբեր տեսակների համար, ինչպես նաև ստանալ մեր գործընկերների փորձից քաղված մի քանի պրակտիկ խորհուրդներ՝ պրոցեսն ավելի ճիշտ կազմակերպելու համար։

Ալյումին, պլաստիկ, թե՞ թուղթ. ո՞րն ընտրել

Առաքման տարա ընտրելիս, հատկապես տաք սննդի դեպքում, չկա մեկ իդեալական տարբերակ ամեն ինչի համար։ Յուրաքանչյուր նյութ ունի իր առավելություններն ու սահմանափակումները։

Ալյումինե տարաներ

Ալյումինը բացարձակ առաջատար է, երբ խնդիրը սնունդը հնարավորինս տաք պահելն է։ Բացի ջերմությունը լավ պահելուց՝ այն նաև ավելի հիգիենիկ է, ինչպես նաև պահպանում է սննդի համը, հոտը և գույնը։ 
Մեծ առավելություն է նաև այն, որ հաճախորդը ալյումինե տարայով սնունդը սկուտեղի վրա դնելով՝ կարող է տաքացնել ջեռոցում։ Բայց սրան հակառակ՝ խորհուրդ չի տրվում ալյումինե տարան միկրոալիքային վառարան դնել, եթե չկա հատուկ նշում դրա անվտանգության մասին (Microwave Safe)։

Պլաստիկե տարաներ

Ժամանակակից սննդային պլաստիկը (պոլիպրոպիլեն) վաղուց ամենատարածված տարբերակն է առաքման ոլորտի համար։
Պլաստիկե տարաները դիմացկուն են, չեն դեֆորմացվում և, որ ամենակարևորն է, ապահովում են գրեթե 100% հերմետիկություն։
Ի տարբերություն ալյումինի՝ որակյալ պլաստիկե տարաները անվտանգ են միկրոալիքային վառարանում։ Մեծ առավելություն է նաև այն, որ կարելի է ընտրել ամբողջովին կամ մասամբ թափանցիկ տարբերակներ, որոնք հաճախորդին  թույլ են տալիս տեսնել ուտեստի տեսքը՝ առանց տարան բացելու։

Թղթե և կրաֆտ տարաներ

Ինչպե՞ս ընտրել տարաներ տարբեր ուտեստների համար

Տաք սննդի փաթեթավորումը առաքման համար և հատկապես տարան պետք է համապատասխան լինեն ուտեստի տեսակին։ Օրինակ՝ կոնտեյները, որ հարմար է ապուրների համար, կարող է խնդիր առաջացնել պինդ սննդի դեպքում և հակառակը։ Տարբերություններ կան նաև ռեստորանային ուտեստների և արագ սննդի փաթեթավորման մեջ։

Հեղուկ ուտեստներ՝ ապուրներ, սոուսներ, շիլաներ

Լավագույն ընտրությունն այս ուտեստների համար պլաստիկե (PP) կլոր տարաներն են՝ ամուր սեղմվող կամ պտտվող կափարիչով։ Հերմետիկ պլաստիկե տարաները «կողպում» են հեղուկը տարայի ներսում՝ բացառելով արտահոսքը և դրանից առաջացող խնդիրները։

Փոքրիկ գաղտնիք՝ տաք ապուրների համար ամենահարմարը միկրոսկոպիկ անցք ունեցող կափարիչով տարաներն են։ Անցքի շնորհիվ գոլորշու ավելցուկը հեռանում է, և ճնշումից կափարիչը չի բացվում։

Պինդ ուտեստներ՝ միս, բանջարեղեն, փլավներ, պյուրեներ

Այս ուտեստների առաքման ժամանակ գլխավոր նպատակը ջերմաստիճանի համեմատական կայունությունն է։ 
Լավագույն ընտրությունը ալյումինե կոնտեյներները և պոլիպրոպիլենային բոքսերն են։ Բարձրորակ կրաֆտ տարբերակները ևս կարող են ծառայել, եթե սնունդը մեծածավալ չէ, քանի որ դրանք անհամաչափ ծանրությունից կարող են ճկվել և վնասվել։
Պլաստիկե և ալյումինե տարբերակները հարմար են նաև այն տեսանկյունից, որ հասանելի են մի քանի բաժիններով տարբերակներ, որոնցում կարող եք տեղավորել մի քանի ուտեստ՝ այնպես, որ դրանք չխառնվեն իրար և չկորցնեն էսթետիկ տեսքը։

Արագ սնունդ՝ ֆրի, նագեթսներ, բուրգերներ, սենդվիչներ

Արագ սննդի առաքման ժամանակ ամենամեծ «թշնամին» խոնավությունն է (գոլորշին)։ Եթե, օրինակ, առաքեք ֆրին պլաստիկ տարայով, 10 րոպեից այն կդառնա փափուկ և անհամ՝ առաջացնելով դժգոհություն հաճախորդների մոտ։

Լավագույն ընտրությունն այս դեպքում օդանցքներով թղթե տարաներն են, կրաֆտ տուփերը և փաթեթավորման թղթերը։ 

Թուղթը ներծծում է ավելորդ խոնավությունը և չի խոչընդոտում օդափոխությանը, ինչի շնորհիվ սնունդը մնում է խրթխրթան, չի կորցնում ախորժելի տեսքն ու համը։

Մի քանի գործնական խորհուրդ՝ քաղված սննդի ոլորտի բիզնեսների փորձից

Առաքման ճիշտ տարա ընտրելը միայն գործի կեսն է։ Որպեսզի ձեր փաթեթավորումն աշխատի 100%-ով, պետք է ուշադրություն դարձնել բոլոր մանրուքներին և նրբություններին։ Ահա դրանցից մի քանիսը՝

Հաշվի առեք հաճախորդի սովորությունները, օրինակ՝ եթե ձեր հիմնական սպառողը գրասենյակային աշխատողներն են կամ մարդիկ, ովքեր պատվիրում են լանչեր, ապա մեծ է հավանականությունը, որ նրանք սնունդը տաքացնելու են միկրոալիքային վառարանում։ Այս դեպքում առանց Microwave Safe նշման տարաները լավագույն լուծումը չեն լինի։ Փոխարենը՝ ընտրեք այնպիսի տարբերակներ, որոնց դեպքում հաճախորդը ստիպված չի լինի տաքացնելիս սնունդը տեղափոխել այլ ամանի մեջ։

Որակյալ առաքումը սկսվում է ճիշտ ընտրությունից